政情：今日你上鏡：龐愛蘭變「髮」招好運

一直被形容為食咗防腐劑嘅沙田區議員龐愛蘭（Scarlett），一向都以長髮齊蔭形象示人，但早前喺馬場見佢成個人煥然一新，事關剪咗個斜瀏海及肩嘅髮型，加上一身奪目嘅藍綠色裙，睇落唔同晒。Scarlett話，近十年都冇轉過髮型，早前搭飛機睇廣告見到人哋短髮好睇，就心血來潮一試，轉完髮型之後仲覺得運氣唔錯添！除咗當日贏咗兩場馬外，早前其租客更主動要求加租，皆因對方想佢添置幾件傢俬，佢聽到梗係開心都嚟唔切啦！