76年報檔堅守母業 不言退不言懼
【本報訊】「我鍾意守住我阿媽嘅檔業呀！唔覺得辛苦，唔覺得辛苦咪繼續做。」陳婆婆一生人都伴隨報檔，雖屢遭「劫」難，但她無打算退休，有社工曾打算替她申請綜援安享晚年，她亦婉拒，「我無租地方住，就喺度瞓，做得一日就一日」。另一方面，她的堅持亦緣於一段母女情意結，直言希望一直做到百年歸老，在提到亡母時更一度哽咽落淚。不少人都擔心她再遇劫甚至受傷，但婆婆稱：「始終要食飯、要生存，我係唔會驚！」
報紙曾遭丟棄 自此24小時看檔
陳婆婆稱：「報檔係我阿媽開嘅，我阿媽叫阿美，報檔就叫阿美報攤，開咗七十六年喇，我ＢＢ女就喺度做。」附近老字號匙舖東主何太稱，其母與婆婆的母親認識，當年報檔已是廿四小時營業，但當年有鎖櫃，但如今設備年久失修變得簡陋，「婆婆係獨女，細細個就出嚟幫手」，她接管報檔後，曾租住廣東道一個單位，惟她常被人欺負，試過被人將報紙棄掉，才以報檔為家廿四小時看檔。何太形容：「報檔係婆婆嘅『生命』、精神寄託，已經唔係錢唔錢嘅問題。」
陳婆婆稱，自母親六十餘歲時病逝後，她便接手打理至今，不捨得放棄，她不禁老淚縱橫：「我阿媽係靠賣報紙養大我嘅」，故希望能一直做到百年歸老，即使身邊的街坊親友力勸她退下來，她堅拒退休，「依家老咗有寄託，我做廿四小時，攰就瞌眼瞓，做得幾耐得幾耐。」
有社工曾經打算幫陳婆婆，欲協助她申請綜援，她亦婉拒：「我自食其力幾好，有嘢做吓會精神啲。」