政情:馮海容研究政策 無意入政黨

智庫民主思路喺今年三月初成立咗青年團,同時亦成立「政策實驗室」,招攬年輕人喺政策上集思廣益。曾任醫院管理局新界東醫院聯網總監嘅馮康醫生,其女兒馮海容(Elizabeth)長得亭亭玉立,最近亦加入政策實驗室幫手,主要負責環境同醫療方面嘅政策研究。不過,Elizabeth並非民主思路成員,亦未有成員向她招手。被問到未來會唔會加入,佢就話要「睇定啲先」喎。

還以為因為爸爸係醫生,會令Elizabeth亦對醫療行業產生興趣,但原來Elizabeth大學時係修讀人類學同國際發展,畢業後從事公共事務工作,主要係負責與健康、製造業方面嘅工作,故此對環境和醫療亦有一定認識。Elizabeth話,佢好有興趣參與政策研究工作,但未有打算加入政黨。依家佢係港島區「政策實驗室」成員,亦已停職數月參與政策研究。對於要停職進行政策研究,佢透露家人未有「插手」,更支持佢嘅選擇喎。

第一手消息請下載on.cc東網iPhone/iPad/Android/Windows Phone Apps