中環出更：示威者狙擊AV仁 律師行踩場
壹傳媒黎智英（漢奸黎）近期頻頻被踩場外，其實同佢有密切關係嘅民主黨前主席何俊仁（AV仁）都唔好得去邊，AV仁上星期協助銅鑼灣書店店長林榮基後，已有幾次示威活動都衝住AV仁而來。尋日有示威者更殺到去AV仁位於中環嘅律師行，睇嚟AV仁同漢奸黎真係一對落難兄弟喎！
有廿多名市民尋日下午約四時半，去到位於中環一棟商業大廈的大門外示威，而AV仁擔任合夥人嘅律師行就係位於該棟商廈之中。呢班示威者手持「剷除爛民主黨」、「打倒政棍AV仁」、「打倒賣國賊，消滅搞屎棍」等示威標語，更帶埋揚聲器，當街當巷宣讀抗議書，實行將AV仁嘅惡行唱通街！佢哋批評AV仁包庇林榮基，嚴重損害一國兩制及中港兩地人民感情。
陸續有來 今往住所抗議
雖然最後示威者和平散去，但將會陸續有來，事關今日又會有另一場針對AV仁嘅示威活動，而地點更由律師行，轉到去AV仁位於天后廟道嘅住所外。睇嚟AV仁要學佢落難兄弟漢奸黎，執包袱退休避世先掂囉！
卓妮