政情：搭升降機疑「打尖」 郭家麒話優先
民建聯前主席、立法會議員譚耀宗被揭發早前去伊利沙伯醫院「打尖」進行切除耳部息肉手術，風波仍未平息。有讀者尋日向本報投訴，指曾經在立法會質疑過譚耀宗嘅公民黨議員兼泌尿科醫生郭家麒，日前亦其身不正涉嫌「打尖」，但所指的「打尖」是搭升降機時無排隊。所謂「民生無小事」，本報就致電郭家麒了解事件，原來成件事只係一場誤會，其實他係「攞正牌」插隊搭升降機。
郭家麒話，他喺佐敦嘉賓商業大廈開設診所，由於該大廈有百幾二百間公司，業主立案法團就發通告，因應大廈外訪人客眾多，所以要排隊搭升降機，但喺大廈各單位人員為「接待顧客」，可以優先搭升降機。本報曾到事發大廈視察，發現真係有通告寫明，而發出日期約於三年前。郭家麒解釋，他好多時都會讓外訪者先入升降機，重申自己無使用特權，如果有人因為唔明白而誤會，他對此感到抱歉。