政情:公民講場:「堅」爆分裂 又想團結

政府自從就醫務委員會(醫委會)改革提出增加四個業外委員以來,醫學界爭議不絕,而且不斷升溫。先有史泰祖劈炮唔撈醫學會會長一職,繼而同會董蔡堅喺電台節目公開駁火,蔡堅早前更辭去醫委會初級偵訊委員會主席一職,整件事嘅發展可以話峰迴路轉。醫學會換屆在即,蔡堅尋日就話有意參選醫學會會長,仲話希望團結業界喎。不過,蔡堅之前爆完爭拗,醫學會立立亂,依家又話選會長團結業界,難怪佢話分身不暇喇!

第一手消息請下載on.cc東網iPhone/iPad/Android/Windows Phone Apps