中環出更：殷然接棒 培養青年抗逆力

有感新一代年輕人生活面對學業、搵工及前景等不少壓力，Kyran話健康除咗係講有無病之外，精神健康狀態亦相當重要，因此嚟緊一年會推動關注兒童及青少年精神衞生計劃，以社區教育、到校形式及網上媒體等途徑，搵唔同人士分享成長點滴及經驗，又創立「精神衞生健康操」及「精神健康急救包」，助年輕人培養正面思考及提升抗逆能力。

蘇裕康雙喜臨門

今年樂善堂有七個新上任常務總理及十四個新上任當年總理，而總理蘇裕康就係其中一個由當年總理「升呢」成為常務總理，而且今年將會再做爸爸，事關身旁嘅太太廖嘉麗現時又佗住一個準備出世嘅囡囡喇，認真可喜可賀。生產嬰兒用品嘅蘇裕康話，佢自家品牌廣告不時都會搵番自己個仔拍攝，但個仔愈來愈大，開始唔願拍，嚟緊個女出世就啱晒喇。

當年總理宋振菲（左起）、羅啟邦及女友張美婷、羅詠詩及總理任俊彥相識於香港青聯。

施家殷（左）接替梁紹安（右）成為新一任樂善堂主席。（徐家浩攝）

新加入樂善堂嘅仲有百仁基金副主席羅詠詩弟弟羅啟邦、香港青聯成員宋振菲、草姬創辦人郭致因等。前主席梁紹安亦一如樂善堂獨有傳統，喺卸任後繼續留喺董事局內做司庫，但佢話做咗主席一年無放過假，所以卸任後會先去三個旅行，包括到內地辦學等，放鬆一下。

卓妮