話說天文台尋日朝早七點卅五分發出今年首個紅色暴雨警告信號，但教育局遲咗十分鐘先宣布上午校同全日制學校停課，唔少學生早已出門變「落湯雞」，一返到學校得悉停課安排又要折返，家長齊聲炮轟教育局安排混亂。天文台就話發出紅雨前已知會教育局，教育局副局長楊潤雄亦承認宣布停課時間相對尷尬，又話好難界定幾時發出紅雨信號比較好，而當局喺幾分鐘內已宣布停課，仲話會再作檢討。究竟有冇人最終要為發紅雨後，冇即刻宣布停課一事負責呢？
