政情：今日你上鏡：周旋生B女鄧宣宏雁流口水

太子珠寶鐘錶副主席鄧宣宏雁（Emily）最近過足抱BB女嘅癮，事關佢嘅歌唱家好友周旋（Charlene）喺上周二添多名小公主，Emily一得閒就去探Charlene母女，感受迎接小生命嘅喜悅。Emily笑言，佢只有一個仔，雖然想生多個，但係工作實在太忙，而且唔係每樣嘢想要就一定有，所以見到Charlene囡囡就流晒口水。已有一個仔嘅Charlene就話，囡囡喺母親節前幾日出世，令佢今個母親節特別有意義。咁會唔會再追多個？Charlene甜笑話，一對子女湊個「好」字已經足夠，所以決定封肚喇！