本身係大律師嘅港姐男友林作搞作多多，尋日佢同傳媒聚會之後話，經過去年底區議會選舉後，佢要專心事業，所以會摺埋自己，仲希望戒埋社交媒體添。佢提到早前參與新界東補選、有「體雕大狀」之稱嘅執業大律師梁思豪，話對佢有好大啟發，事關當時梁思豪以「騎呢」見稱，又被質疑博曝光，佢為免同梁思豪有太多相似嘅地方，包括既係大律師又鍾意曝光，所以決定少啲喺鏡頭前現身為妙喎！
