政情：「被支持」紅燈區 姚思榮鬧爆梁繼昌

唔明點解被老屈

姚思榮話，前日梁繼昌引述「姚思榮都支持設立紅燈區」後，收到唔少業界人士查詢，佢強調自己唔支持設立紅燈區，亦認為以紅燈區推動旅遊業有困難，始終香港地方小，設立紅燈區會影響周邊家庭及小朋友，同時香港作為以中國人為主嘅文明社會，設立紅燈區只有負面訊息，而香港文化亦同歐洲開放國家有唔同。

姚思榮話唔係好明點解會被屈，可能當時坐喺梁繼昌後面。佢話議員支持設立紅燈區時，要三思唔好隨便講嘢，因涉及道德問題。