銅鑼灣書店店東李波早前話以「自己嘅方式」離境返內地，惹來香港變成「無掩雞籠」質疑。公民黨立法會議員郭家麒尋日就趁立法會財務委員會特別會議問保安局局長黎棟國，過去有幾多人自行離境。話得係「自行離境」，政府又點會有數字呢？所以黎棟國反問：「冇通過正式渠道，數字何來？」一句說話就KO（擊倒）郭家麒。所以話呢，有時質詢前真係要諗清楚條問題，唔係盞（火羅）爆收場。
