忌廉哥下月底暫別粉絲
【本報訊】深受港人及尖東一族寵愛的忌廉哥要跟大家暫別！忌廉哥主人兼報紙檔老闆高先生證實，由於市道欠佳，人流大減，即使業主決定凍租，忌廉哥長駐的報紙檔最遲下月底結業。更令一眾忌廉哥迷心痛的是，高先生暫未有另覓舖計劃，忌廉哥日後如何跟粉絲會面，高先生也在研究：「惟有呢個幾月多啲帶忌廉哥落報紙檔同老朋友道別。」
報紙檔生意難捱須結業
高指，由去年十月開始生意急跌，營業額下滑一半，每月約十萬舖租加人工難捱，故昨起展開大清貨行動，最遲五月尾結束報紙檔：「忌廉哥八月就十一歲，我知好多朋友會唔捨得，但尖東依家無晒人流，落嚟探忌廉哥又唔係個個會幫襯，結業係無奈決定。」