南亞漢賣七欖飛 呃港男21萬

扮官方職員 收錢玩失蹤

國際七人欖球賽昨日起一連三日在香港大球場舉行，姓莫男子三年前在網上認識一名南亞漢，聲稱可以正價出售大量門票，每逢球賽前夕，莫都會向他購票。至去年十月，對方通知他有門票發售，他於十一至一月期間先後以現金及過數形式繳付約廿一萬元大量買入約八十套門票，每套由二千五百至二千八百元不等。惟上月十五日交收當日，對方卻「無咗影」。

莫致電對方查問，但南亞漢多次藉詞推搪延期「交飛」，他憶述﹕「四月初佢WhatsApp唔覆，Call佢就第二個聽，話佢唔喺度。」莫續稱，早前在網上認識數名「波友」，打聽下亦聽聞有人被該南亞漢欺騙，有人更被騙過百萬元，莫懷疑受騙，到旺角警署報案。警方指，本月三日接獲一名卅九歲男子報案，指他早前向一名男子購買球賽門票，但未能收取門票，遂報警要求備案。