政情：公民講場：卿姐怒罵：建制「食塞米」

立法會財務委員會上周在混亂中火速通過高鐵一百九十六億元追加撥款，泛民主派表明考慮就表決過程及結果提出司法覆核。議員劉慧卿就更加肉緊，坦言對代主席陳鑑林做法反感，又力斥由建制派議員擔任嘅主席「愈嚟愈離譜，大家無商無量」，搞到佢嘅行為愈來愈激添！卿姐更大嘆，四十幾名建制派議員都搵唔到個正經啲嘅人出任主席，簡直係「食塞米」喎，睇嚟卿姐今次真係食咗火藥，而泛民同建制派嘅關係就更加水火不容。