為近安娜美尻棒球癡

提到日本寫真界嘅美尻女王,大家會諗起秋山莉奈、安枝瞳及倉持由香,其實除咗佢哋之外,美尻之輩仲有好多,論人氣最高嘅就一定係為近安娜喇!佢質素超班,要討得佢嘅歡心唔係咁容易,至少要同佢一樣熱愛棒球至得。

堅挺飽滿

潮流興3D,家陣盛行嘅VR技術憑住一個眼罩將大家帶入虛擬世界當中。其實就算唔使帶VR眼罩,我哋作為男子漢,眼界亦應該立體一啲,欣賞女仔唔好只(目及)個樣同雙峰,應該要由頭睇到落腳,由前面睇到去後面,如果大家早已識得從後觀察的話,今日為大家介紹嘅呢位日本人氣寫真小天后就啱晒你口味喇!事關為近安娜呢位優質女優近期火速上位,全靠一流美尻。

23歲嘅安娜青春活潑,面孔標致就唔使多講,而阿妹精靈得嚟萌味逼人,明亮嘅眼眸電力十足,輕輕嘟一嘟起個嘴仔扮個可愛樣就已經冧死麻甩佬。一般嚟講萌系女優都唔會太好身材,之不過安娜就唔同,有前有後,上圍對D奶斤両十足,腰肢纖幼帶出誘人曲線美,36吋嘅圓潤桃子形美尻堅挺又飽滿,睇落夠突出,但又唔會好似倉持由香個39吋大屁股咁礙眼。

最愛睇波

安娜近期先至比較多人識,但其實佢喺2009年已經出道,成為美少女組合「愛乙女★DOLL」嘅成員,之後輾轉加盟過唔少組合,例如「pure☆carol」等,舞台演出經驗相當豐富。2015年安娜因為參加選美活動「Miss FLASH 2015」表現出眾,成功吸引到寫真迷注意,令人氣大升,最後仲奪得比賽冠軍。事實上安娜都唔係第一次參加呢個選美,2013年同2014年佢都有面試,之不過連入圍資格都冇,今次奪冠可以話係復仇成功。

安娜現時人氣高企,工作亦相當繁忙,不過點忙都好佢都要睇棒球比賽,有時因為睇波而暫停寫真拍攝工作,絕對係一位棒球狂迷。安娜嘅愛隊就係益力多燕子隊,佢上年仲同東京體育報嘅記者打賭,話燕子隊如果可以相隔14年再奪得聯盟冠軍,佢就去到隊伍嘅主場明治神宮球場着泳裝繞場一周兼唱歌跳舞,結果燕子隊成為冠軍,不過暫時未知安娜會幾時兌現承諾。

個人博客

簡介:為近安娜經常會將出席攝影會以及拍寫真時嘅自拍性感照放上博客同大家分享,大家Click上去一定可以大飽眼福!

網址:http://ameblo.jp/anna-tamechika/

為近安娜Profile

年齡:23歲

身高:5呎3吋

三圍:32D-23-36

撰文:賢