政情：馬斐森着漢裝 疑似易服
香港大學校長馬斐森疑甩轆着女裝漢服上身？港大夫子儒生校友會等團體尋日舉辦第五屆國際華服節，馬斐森聯同太太一齊穿着漢服出席，前者身穿嘅華服係黑色連身衣，配上紅色邊，有人事後翻查網上資料發現，馬斐森所穿漢服，與周制某一款女性婚服有相似地方。
對於馬斐森疑甩轆着女裝漢服嘅因由，有份舉辦今次活動嘅港大學生會國事學會代表晚上解釋，馬斐森夫婦身穿屬於重新設計嘅創新漢服，即秦漢時期嘅禮服，聲稱係男女皆宜，及至深夜，國事學會再澄清，馬斐森嘅服飾唔係女裝，而係正經男裝禮服，真係信不信由你嘞！
馬斐森於致詞時透露，自己和太太首次在公開場合穿着漢服，早前於辦公室試穿漢服時，其秘書形容猶如一名學者。佢又強調文化差異非界線嘅一種，佢最後以廣東話講出「多謝大家」，及以普通話講出「謝謝大家」作結。