政情：貌似張嘉兒政壇小花拓「思路」

民主思路尋日宣布成立青年團隊，計劃喺北角及馬鞍山兩地設辦公室，歡迎市民到訪交流政策上意見。作為團隊內唯一女將嘅Veronica，○九年喺科大工商管理系畢業，之後一直喺銀行工作。對於商界人士甚少有興趣參與政治組織，Veronica話，初時被民主思路舉辦嘅研討會吸引，出席多次活動後就被邀請加入青年團隊，但佢暫時未打算從政，形容自己仲「學習中」。

Veronica又話，自己由小學至大學都在港接受教育，認為受惠於此地，希望加入民主思路為港作出貢獻。佢話，青年團隊中暫未有明確分工，而佢對研究貧富懸殊和義工服務最感興趣，同時希望透過工作時與內地接觸嘅經驗，協助團隊進行中港關係研究。