政情：公民講場：立會喻妓院 「蘭」怪鬧自己

《二○一四年版權（修訂）條例草案》最終未能表決，變相壽終正寢，而尋日立法會最後一日審議草案亦火花四濺。商務及經濟發展局局長蘇錦樑引用名著《倚天屠龍記》，批評泛民主派係扼殺香港經濟及創意產業空間嘅「罪魁禍首」。工黨議員何秀蘭就反擊，批評蘇錦樑如《鹿鼎記》主角韋小寶般游走王宮與妓院之間難度好高，建議佢學《笑傲江湖》嘅岳不群靜靜雞「自宮」。有網民指何秀蘭「搵自己笨」，若蘇錦樑真係不停來回王宮與妓院之間，立法會咪成為她口中嘅妓院？議員咪變咗妓女同龜奴？今次真係鬧人變成鬧自己，搵自己笨！