建制派經常被抨擊用「蛇齋餅糉」換取選票，但泛民主派議員其實都係五十步笑百步，繼有平價歐遊團後，再有人為居民提供免費婚禮司儀服務，完全係變種嘅蛇齋餅糉。
去年退出民主黨的沙田區議員麥潤培在個人社交網站話，得知有好多街坊就快垃埋天窗，為咗幫班街坊慳番婚禮費用，佢決定義務為街坊提供婚禮司儀服務。網民反應唔錯，更有區外人士問有冇跨區服務添！麥潤培透露，佢曾經讀過司儀課程又鍾意搞氣氛，加上街坊婚宴係接觸居民嘅好地方，搞呢種另類蛇齋餅糉可以寓工作於娛樂喎。（互聯網）
