政情：公民講場：預算案封面 赤的疑惑

新一份財政預算案於周三出爐，大家緊張有冇得派糖之際，點知財政司司長曾俊華（鬍鬚曾）喺社交網站上載咗預算案嘅封面，竟然係選用紅色，好似阿姐話齋，真係嚇到個心都離一離呀！之前外界明明估今年盈餘有七、八百億元，到底紅色嘅含意係解作今年會有赤字吖？定係又想提醒大家要提防結構性財赤呢？抑或係解作最近基建工程不斷超支，再多盈餘都唔夠「填氹」呢？又或者純粹因為農曆新正頭用紅色賀年呢？不過，鬍鬚曾完全冇解釋，好似淋完紅油咁走咗去，睇嚟都要等到星期三先知答案喇！