土瓜灣：店舖執貨阻街 食署扮盲
「平時間舖執貨都會擺晒啲嘢出行人路，我哋經過都要行出馬路，所以同食環署投訴過好幾次，點知佢覆我話佢哋七點之後先開工，咁早派唔到人落嚟！」何先生指出，土瓜灣炮仗街有店舖每天早上整理貨物時都會阻塞行人路，雖曾多次向食環署投訴，卻一直未見改善。
派員巡查稱無發現
食物環境衞生署發言人證實，過去一年共接獲兩宗相關投訴，曾多次派員於清晨時分巡查上址，惟沒發現該店舖對行人路造成阻塞的情況。發言人指，近日再次巡視，亦沒發現該店舖於行人路放置貨物造成阻礙，惟已提醒該店舖負責人不要佔用公眾地方，以免造成滋擾。
「呢幾日行過情況都仲係咁，唔明點解佢哋會見唔到！」何先生認為食環署未有認真跟進事件，促盡快處理，以改善通道受阻的問題。