民建聯立法會議員蔣麗芸出名語出驚人，早前佢批評泛民拉布時，聲稱「精神科醫生最易黐線，因為聽得精神病人講嘢多 」，惹來醫學界及病人組織炮轟，最終須收回言論及公開致歉。尋日佢喺立法會財委會講起高鐵「一地兩檢」問題時，又狠批泛民提出高鐵「兩地兩檢」係「發白日夢」、「離地」同「發神經」。雖然泛民啲建議同做法有時真係好離譜，但係都唔使成日用「黐線」、「發神經」等字眼嚟鬧人嘅。
