香港大學校務委員會周二將再次召開會議，雖然該校罷課委員會上月發動圍堵校委會及一星期罷課行動後，已經靜悄悄「摺埋」，但校委會會議始終惹火，難保會再遇衝擊，所以聽聞校方近日積極研究再「搬竇」開會，希望將會議移師校園範圍外保平安。
據悉，校方首選係港島區嘅會議場地或者酒店，不過，我哋聽聞多個場地都對港大「大駕光臨」耍手擰頭，擔心再遇學生衝擊，有錢都唔敢賺，所以校方至今遲遲未決定開會地點。港大學生想再衝擊會議，睇怕要出動探子打聽至得。
港大自從去年首次發生學生衝擊校委會及禁錮委員風波之後，校方已經以保安理由，將會議場地由大學本部校園鈕魯詩樓，移師至沙宣道嘅香港賽馬會跨學科研究大樓。最近校方決定索性將會議場地移師校園外，可惜不停被請食檸檬。難怪聽聞校委會成員收到嘅開會通知，會議地點仍然未確定。