政情：八網難逃：田二少外孫女出世 夾晒財會

立法會財務委員會尋日召開一連四節、合共長達八個小時嘅會議，喺沉悶而冗長嘅會議中，新民黨立法會議員田北辰(田二少)喺社交網站發布喜訊，原來係佢又做外公，增添咗一名重六磅半嘅外孫女。田二少仲話，呢個孫女喺財委會開會前四十五分鐘出世，令佢去完醫院探望女兒同孫女後，仲啱啱趕得切返立法會開會，時間上真係配合得天衣無縫。