標準工時立法與否懸而未決，勞工界批評政府拖延標時立法，商界則希望循合約工時方向研究，飲食界議員張宇人忽然語出驚人，爆出公立醫院嘅醫生都想標準工時立法，並聲稱「有標準工時咪可以死多啲病人，醫生個個唔使做囉」。唔知張宇人呢番咁惹火言論，會否惹來醫學界群起反擊呢？
立法會研究標準工時相關事宜小組委員會開會，醫學界議員梁家騮發言時，以當年自己同醫院管理局打官司嘅自身經驗，認為合約工時冇乜用處，梁呢番言論疑觸動商界神經，張宇人隨即爆出公立醫院嘅醫生都想標時立法嘅言論，又延續戰鬥格，稱政府如於標時一事數夠票即管放馬過來，同時勸喻身邊商界朋友留定資本，萬一有事發生就遷往內地繼續經營。
張宇人重申，要解決醫生工作量大嘅問題，原本可以依靠輸入海外醫生，但基於醫務委員會表明唔准過多相關人士前來，先令醫生感到咁辛苦喎。