公民講場：波哥發功 驅逐「壞人」

港珠澳大橋追加撥款死線臨近，立法會財務委員會尋日召開一連八粒鐘嘅馬拉松式會議加緊審議，但一眾泛民議員繼續唔知死肆意拉布。財委會主席陳健波一度將人力議員陳偉業「熄咪」，又以行為極度不檢為由驅逐社民連梁國雄離場，期間波哥仲爆咗一句，話會議「唔可以畀壞人干擾」，好似變身咗做正義超人，誓要將立法會內嘅拉布怪獸統統收拾咁。波哥，「奸爸爹（努力）」呀！