遭紅火蟻咬傷，傷口會即時痕癢、紅腫和灼痛，甚至會形成水泡及膿瘡。急症室專科醫生警告，遭咬傷後要妥善清洗傷口及附近皮膚，並切勿刺穿水泡，以免增加細菌感染風險，事後若出現頭暈、氣喘，甚至呼吸困難等過敏症狀，應及早求醫。
急症室專科醫生彭繼茂指出，紅火蟻毒液會刺激免疫系統，傷口與遭蜜蜂叮咬後的反應類似，之後會出現水泡及形似暗瘡的白色膿瘡，「入面係一啲死咗嘅細胞、溶解咗嘅皮膚組織同細菌混合嘅液體。」他叮囑市民切勿「手多多」刺穿水泡，以免傷口受細菌感染。
彭建議在被咬後應即時進行清洗及冰敷，既可消毒亦能即時降溫，有助緩解痕癢、腫脹等過敏反應。醫管局發言人表示，未有統計因受紅火蟻咬傷的入院人數。