為子女 決心研究教育
阿松曾擔任教育統籌委員會主席，現場有老師希望佢可以選特首，改善教育界資源不足問題。不過，阿松就話無參選特首嘅計劃，被追問將來係咪都一樣唔會選特首時，佢就話「無計劃就無計劃」。近期阿松掂過房屋、環保，到尋日嘅教育，真係好難唔令人覺得佢有所動作囉。
論壇上，阿松指現時教育政策嘅執行同原來嘅構思有出入，加上三名子女正值求學階段，所以決定「重出江湖」，掂番十幾年無做過嘅教育研究，仲直言教育係佢鍾意嘅嘢。佢更話，母語教學可以提升中文水平，但必要以普通話授課。至於搞到滿城風雨嘅全港性系統評估（TSA），佢就認為有其他方法可以評估學生喇。