長者大讚禮物「啱心意」
人稱「阿嫲」的吳惠珍已屆九旬高齡，坦言從未出席如此盛大的活動，是次能與一眾長者同享「千歲宴」，感覺特別溫馨，「自己有六個仔女，每逢新年都會嚟拜年，四代同堂好熱鬧，但好少可咁多老人家一齊食飯同玩，好開心！」
攬枕被實用暖身心
阿嫲一直擔任長者義工，惜近年腳部退化，參與探訪工作時有點吃力，但仍以另一方式繼續義工服務，「老人家好需要人哋關心，打個電話同佢傾吓偈，自己又開心，人哋又開心！」在活動尾聲，阿嫲從義工手上接過禮物包即大讚「夠晒實用」，「收到乜禮物都咁開心，但攬枕被真係好啱老人家心意，睇電視凍可以冚吓，咁就即刻暖晒！」她感謝基金舉辦是次活動，更向善長拜個早年，祝願大家身體健康。
「有人請食飯，又有遊戲玩同表演睇，節目真係好豐富！」現年七十九歲的林素梅婆婆接過禮物包即急不及待「拆禮物」，對攬枕被愛不釋手，「又可以當做咕o臣，拆開就變咗暖笠笠嘅被，一物二用，真係夠晒實用！多謝善長咁關心我哋！」