政情：公民講場：高官反全民退保 數字大晒冷

多名政府高官繼續就退休保障諮詢進行推銷，其中勞工及福利局局長張建宗出席一個工展會活動時，無喇喇搬出一大堆公共財政數字，強調港府現時每年已花費一成八經常開支推行各種社會福利，另加一成七開支維持各項醫療衞生服務，暗示一旦推行「不論貧富」嘅全民退休保障計劃，相關開支將進一步大增。財經事務及庫務局局長陳家強喺網誌就講得仲白，警告一旦推行「不論貧富」嘅退保方案，三十年後政府每年將新增五百多億元開支，「財政上並不可行」。兩名局長同日大晒數字反全民退保，立場鮮明，咁不如慳番啲公帑同時間，唔使再做諮詢喇！