拋書包 稱受李小龍啟發
鬍鬚曾於網誌中自爆，自己學習功夫嘅時間比劍擊更早，形容小學時就已經喜歡「動手動腳」，先後學過白眉派及南螳螂，後來又加入中國拳擊功夫學院，有系統地跟隨鄺鐵夫師傅學習洪拳，一學就十多年。
鬍鬚曾其後提及自己嘅偶像李小龍，指對方當年係萬人迷，佢嘅言行、打扮都成為男孩模仿對象，自言對方於武術嘅理解，確實對自己有所啟發。
佢係網誌中又提到，學功夫嘅人都對牛頓第三定律肯定有「切身體會」，而李小龍亦從中悟出一套哲學，由此令自己聯想到《道德經》中「上善若水」嘅道理，即係能夠如水一樣，將原來要硬碰嘅力量化解，甚至變成對自己有利嘅力量喎。