清潔淪做騷 灣仔仍污糟

「條後巷咁污糟，個牌都畀人畫花晒、貼晒街招，連啲字都睇唔清，係咪好諷刺？」灣仔居民羅先生指，民政署及灣仔區議會在柯布連道設置告示牌，聲稱該處「環境衞生已大為改善」，惟現實卻是布滿垃圾及積水，與告示內容有天壤之別，「啲舖頭當咗條巷係佢哋嘅，成日喺度堆垃圾同雜物，又有人喺度亂拋垃圾，甚至小便。」

「局長帶頭洗街 但咁有咩用」

另一居民陳先生則指駱克道酒吧區一帶的後巷衞生同樣欠佳，盧押道後巷更淪為垃圾房，經常有大量垃圾被丟棄於該處，時值正午仍未有人處理。陳又直指清潔運動已流於口號，「局長（高永文）都帶頭洗過街，但係啲後巷隔幾日就污糟番，幾次清潔運動都係咁，咁有咩用？」

政府於九九年「清除衞生黑點」行動後指柯布連道後巷衞生已改善，惟現時該處被指骯髒如昔。	灣仔道 灣仔道後巷路面被帶有泡沫的啡色污水覆蓋。	盧押道 毗連駱克道酒吧區的盧押道後巷，同樣積存不少垃圾。

記者曾到灣仔區實地視察，除上述地點外，灣仔道後巷的衞生情況同樣惡劣，路面更被帶有泡沫的啡色污水覆蓋。而陳東里亦污水處處，部分更流進雨水收集渠口。

食署：兩年發逾四千罰款告票

「食環署成日話人手唔夠，工作編排好混亂，好多衞生黑點乾淨得一、兩日，就打回原形。」灣仔區議會食物及環境衞生委員會主席鍾嘉敏批評，食環署往往以部分後巷為私人路段為由而拒絕負責，漠視不少「三無大廈」根本無力清理。鍾又指食環署在區議會休會後「放軟手腳」，要求加強日常清潔工作，「唔好局長落嚟，先至努力做嘢，咁只會令市民覺得係做騷。」

民政事務總署發言人表示，政府於一九九九年推行「清除衞生黑點」行動，柯布連道經部門重點清潔後已大有改善，翌年在相關位置豎立告示牌。就告牌示被塗污及貼上街招，發言人指已安排承辦商清理，惟會檢討是否繼續保留告示牌。

食物環境衞生署發言人稱，因應「全城清潔2015@家是香港」，已加強清潔灣仔區內衞生黑點。而過去兩年，就灣仔後巷衞生問題，共接獲逾一千一百宗投訴，期間發出逾四千二百張定額罰款通知書，又就存放雜物及棄置垃圾作出四十一宗檢控，惟強調衞生黑點不能單靠頻密清洗及清潔運動解決，需市民及商戶養成良好習慣及自律配合。

記者︰呂耀焜