青衣：違泊阻校巴 學童逼「捐車罅」
「呢度明明劃咗係禁區，但每朝都見到好多車違泊，我見過啲小朋友要行出馬路上校巴，真係好危險，警方依家係咪縱容違泊？」謝先生指出，青衣碼頭違泊情況非常嚴重，經常出現雙線泊車，令交通一度擠塞，謝曾目睹學童登上校巴時被迫要「捐車罅」，險象環生，認為事態嚴重，遂向警方投訴，惟未幾又故態復萌，不滿警方疏於執法，罔顧市民安全。
冀警方加強執法
警方發言人表示，本年至今青衣分區在上址對違例車輛共發出四百多張定額罰款告票，以及對違例人士作出五十多次口頭警告。發言人續指，十分關注青衣碼頭一帶的違泊問題，並在上址進行交通管制，會繼續加強巡查及按情況執法，以確保各道路使用者的安全。
「唔投訴真係唔做嘢，希望警方勤啲巡查執法，見到違泊車輛千祈唔好手軟。」謝要求警方嚴厲執法，杜絕違法行為。