彩福邨蚊患 部門鬥卸責
屋邨控蚊措施無效，居民成蚊蟲大餐！本報去年曾報道牛頭角彩福邨蚊患肆虐，惟有居民反映現況仍未有絲毫改善，邨內住宅及小學均成重災區，擔心登革熱及日本腦炎伺機爆發。區議員直指蚊患源頭為邨內綠化帶及大型斜坡，惟斜坡管理政出多門，綠化帶防蚊措施則欠妥善，要求相關部門早日改善，以保障公共衞生。
公園企唔夠10分鐘中招
「我都住到三十幾樓，但係之前秋涼嗰陣，仲有好多蚊飛入屋。同埋平時喺公園企唔夠十分鐘，都一定會中招，咁你話有幾嚴重？」彩福邨居民阿成指邨內蚊患問題持續數年，估計與屋邨綠化面積較大及橫跨屋邨的大型斜坡有關，「條邨種咗好多花草樹木，山坡又多坑渠同雜草，完全係蚊患溫床。」
阿成又指屋邨管理處曾着手滅蚊，惟成效有限，更認為事關市民健康，相關部門應盡早提供協助，以免蚊患無止境地困擾居民，「管理處都盡咗力，但係個山坡咁大，又唔係佢哋管轄範圍。其他部門應該幫手徹底滅蚊，唔好等到出咗事先後知後覺。」
另一市民劉先生則表示，子女就讀的小學鄰近斜坡，不少家長均反映學生被叮至手腳滿布「蚊瘌」。記者一同到現場巡視時，發現該處雜草叢生，去水渠有積水，「幾個部門都有份管理，叫佢哋滅蚊就互相推卸。」
彩福邨物業服務辦事處發言人指，現時屋邨綠化比率約為兩成，過去一年曾接獲住戶反映，指有蚊從山坡飛入，需轉介食物環境衞生署跟進。發言人又指，每年四至十月，每星期均會滅蚊及控蚊，包括在全邨噴灑滅蚊劑，及在溝渠倒入蚊油，其餘月份則為兩星期一次。
教育局發言人則表示，有關小學已定時在學校範圍進行防蚊及控蚊工作，包括清理雜草、放置蚊沙及安裝驅蚊燈，亦聘用外判服務滅蚊。發言人續稱，會續與食環署及衞生署等部門聯繫，倘發現個別地區蚊患指數偏高，或個別學校防蚊措施有待改善，會作出提醒，以減低日本腦炎及登革熱傳播機會。
區議員促聯合行動處理
「呢條邨係新型屋邨，綠化帶比較多，依家靠清潔工人去防蚊，外判張約本身係價低者得，唔會有額外人手去做，雜草同積水往往清唔晒。」當區區議員顏汶羽表示，邨內綠化帶及毗鄰斜坡均為蚊蟲孳生源頭，過往亦曾接獲不少居民投訴，惟部門的滅蚊工作均有欠妥善，「因為地界劃分問題，個斜坡由五個部門去管，大家各自為政，冇統一措施。」顏促請部門採取聯合行動，早日解決蚊患問題。
投訴組