政府施政，表面上很「民主」，很愛諮詢公眾，像每年的財政預算、施政報告，都愛自拍一些廣告，大吹大擂「市民有得揀」、可以提供許多意見，政府都樂意聽，都會跟進研究……而事實是，政府往往先有立場、觀點，再根據此去尋求事實的支持，甚至不理民意、學者的支持，將與自己立場、觀點不符的證據統統排除於外。
剛公布的退休保障諮詢文件，有「不論貧富」方案及「有經濟需要」退保方案。然而，大家聽吓「天堂已經預留咗位畀佢」嘅林鄭點講，佢話：對不論貧富、毋須經濟審查的退保方案有保留，縮窄政府處理其他退休保障項目的財政空間，大幅加稅亦會削弱香港的競爭力，不能令資源有效地幫助有需要長者……
政府根本漠視全民退保，對於社會的要求、民意的傾向完全視若無睹。
政府講一套做一套，難怪對全民退保付出咁多心血研究嘅周永新教授咁嬲，佢炮轟政府不肯落實全民退保，一味恐嚇指老年金方案五十年後會帶來財赤，增加稅率補貼。周教授認為政府若注資一千億元，並設五百萬元資產限額，長者每月領三千二百元，退保計劃至二○六四年仍會有盈餘。
專家之言有根有據，不似政府先有立場、觀點，只顧做個飽死嘅守財奴，難怪社福界炮轟政府對全民退保係「假諮詢」，揚言會杯葛諮詢，又批評「有經濟需要」嘅方案猶如「翻版綜援」，要長者幾近耗盡積蓄始可領取。
一個政府向來至叻「假諮詢」，一味吹水如何「迎難而上」，實際唔肯承擔責任，講真，周永新及其團隊所作的研究，根本有考慮財政承擔問題，政府連專家的調查研究都唔肯聽，你話「諮詢民意」係唔係得啖笑！一個自以為是的政府，其施政亦只能是自欺欺人被人欺！