探射燈：新屋邨震災 牆裂門歪
學校打樁令新公屋出現裂縫？今年初才落成的上水祥龍圍邨，居民開始相繼入伙，惟近月有不少居民反映，鄰近一所小學連續數月進行打樁工程，每次施工都令住所「地動山搖」，有單位牆身、吊櫃至天花疑因打樁震盪出現裂縫，新居頓變「裂痕屋」。有工程師直指，打樁所產生的震盪可能會令單位牆身的批盪裂開，而新公屋採用預製件建築，較傳統的石屎建築容易受震盪所破壞，嚴重時更有機會令預製件鬆脫，破壞樓宇結構。房屋署發言人表示，會轉介相關個案予有關部門跟進。
「我搬咗嚟個幾月對面就開始打樁，之後牆身開始有裂痕，我都冇為意，直到掛電視個位出現裂痕，我就開始擔心，打樁又震到好似地震咁。」呂先生今年七月搬入上水祥龍圍邨一個高層單位，毗鄰一所興建中小學自九月起早午各有一小時進行打樁工程，隨後他發現家中多處牆身呈現裂痕，其中以懸掛電視機的牆壁裂痕最長，接近兩米，牆上的吊櫃底部亦裂開，估計是與學校打樁有關。
兩樁機齊動 居民不敢留家
「對面地盤試過同時兩部打樁機一齊打，震到屋企啲傢俬、物品都郁晒，真係唔敢留喺屋企。」呂向記者展示打樁時段在家中所拍攝短片，片中可看到，放在枱上的眼鏡被震至左搖右擺，可見震盪強烈。
在另一高層單位居住的林小姐，家中亦有類同情況，「我搬咗嚟一個月，先發現隔籬原來打緊樁，後來見到自己道木門斜咗，離晒口，有時根本鎖唔到門，連開關都難。」
就記者現場所見，林家中的大門右上角位置出現明顯裂痕，門框與牆身之間出現裂縫，約可放置一個五元硬幣的闊度。林表示，收樓時可順暢地開關大門，懷疑打樁工程的震盪導致大門傾斜。
預製件似積木 駁位恐鬆
對於入伙數月的新居受損，邨民陳小姐坦言十分擔憂：「裝修冇幾耐（牆身）就咁快有裂痕，愈嚟愈多，而且日日畀人震，好似大地震咁！」一直跟進事件的當區區議員曾勁聰表示，近月接獲不少街坊的投訴，認為情況嚴重，已向相關部門反映。
「啲牆身嘅裂痕主要係批盪裂開咗，原因係受到強烈震盪所致，暫時未影響到樓宇結構，但如果繼續打樁，啲裂痕會愈嚟愈大。」香港註冊專業土木及結構工程師彭振聲解釋，祥龍圍邨等新型公屋已轉為採用預製件的建築方式，「預製件好似堆積木咁，唔似以前石屎咁釘實，咁長時間咁震盪，有機會令預製件接駁位鬆咗，到時就影響樓宇結構。」他稱，有住戶的吊櫃底部裂開，估計因吊櫃的木板較薄，當遇上強烈震盪後，導致裂開。
立法會議員鄧家彪批評政府部門推卸責任，「居民依家投訴無門，房署就推畀承建商唔理，其實係好唔負責，希望政府可以盡快設立投訴渠道，處理居民個案。」鄧建議政府日後應設監管機制，確保工程期間不會對居民造成嚴重影響。
當局稱震盪程度合標準
建築署及教育局發言人均表示，有關小學工程由建築署負責興建，預計二○一七年中竣工，相關勘探及環境評審報告已在施工前完成。早前曾接獲附近居民有關打樁工程的意見，隨即聯同承建商實地調查，並於報稱的單位內量度震動程度，至今錄得的震動程度均符合相關指引的標準。
房屋署發言人證實，近月共接獲六宗該邨住戶受鄰近學校打樁工程影響的查詢，已即時轉介有關部門跟進。而有關工程承建商發言人則指，有關裂縫涉及多種因素，包括裝修程序、材料及天氣變化等。而如經查實有關情況為該公司工程引致，該公司必作跟進。
文：紀靜雯
圖：朱偉坤