政情：廠房轉「型」 「戴」領潮流
隨住工業升級轉型，好多工廠都改頭換面，畀人感覺煥然一新，生產衣架嘅香港青年工業家協會秘書長戴麟（Paul）話，近年佢哋嘅廠房建築風格都開始改變，好似深圳廠就有兩層落地玻璃，採光充足又美觀，仲獲得過國際建築獎項添。
修飾細節 畫龍點睛
Paul話，以前嘅工廠冇乜設計可言，但時代唔同咗，廠房設計愈來愈有型及實用。當年佢就盲舂舂上網搜尋，搵到中大建築學院院長陳丙驊（Nelson）幫手設計深圳間廠。Nelson對建築一絲不苟，當時廠房差唔多起好時，Nelson見到廠房前面嘅樹木太高，笑言好似墳場，於是改番栽種矮身嘅植物，效果即截然不同，呢種對細節嘅執着令佢印象好深刻。
講番衣架生意，Paul話一般不會用好昂貴嘅不銹鋼做材料，而普遍鋼材經電鍍後雖然較耐用，但女士月事期間所出的手汗，會特別易令衣架的鋼柄生銹，所以佢哋廠內員工平日都會戴手套工作喎。