卓芷伊搶灘小魔女

美少女嘅青春魅力固然令男士難以抗拒,但係小弟鍾情身材玲瓏浮凸嘅魔鬼美人多啲,就好似內地嫩模卓芷伊咁,今年18歲嘅佢,不但青春無敵,仲擁有比魔鬼級數更勁嘅麻辣身材,真係冇得輸!

回味無窮

嚟自廣州嘅卓芷伊,英名文Erica,別名蔡卓凱翰,今年18歲卜卜脆,但係佢嘅身材已經熟到令人流晒口水,37-23-37呢個三圍數字,不論放喺任何一個年齡層嘅模特兒身上,都足已贏到開巷,難怪有人稱佢嘅身材已經唔能夠用魔鬼級數嚟形容,最貼切係用「麻辣」二字,皆因麻辣既觸動大家嘅神經,又令人精神為之一振,最重要就係麻辣味道久久不散,回味不已。

憑住如此出眾嘅外形,加上露出度極高嘅性感演出,令佢喺今年初推出嘅處女寫真作,即時引起網民嘅熱烈討論,佢哋嘅焦點固然落喺阿妹迷人嘅樣貌同埋玲瓏浮凸嘅身材上,然而更多網民表示佢天生一張明星臉更惹人遐想。當然,芷伊能唔能夠成為明星仲未知,不過可以肯定嘅係佢出眾嘅外在條件,好快就獲得相當多嘅演出機會,從平面媒體到廣告拍攝,工作量排山倒海,仲未計佢出席時裝騷、內衣騷及車展活動等。另外,佢又積極向網絡平台發展,好似喺上個月底,佢就透過網絡平台同粉絲進行直播活動,大大提高喺網絡上嘅人氣。

態度親切

有謂「人紅必驕」,但係對於芷伊而言,呢個講法絕對係大錯特錯!縱然佢喺模特兒界成績驕人又相當有人氣,並且喺大學修讀經濟,學歷高,可以話係內外兼備嘅美人兒,但佢喺待人處事方面相當謙厚。點解佢能夠做到成名後,仍然保持親切嘅態度呢?呢點絕對同佢性格有關,原來芷伊有着呆萌性格,所謂呆萌就係鍾意發呆,但係呆得嚟唔會好蠢鈍,反而予人可愛嘅感覺。就係因為呢種純真性格,令佢喺模特兒界呢個大染缸中,仍然保留住清純嘅一面。

不過大家咪以為芷伊份人呆呆哋,對模特兒工作冇特別嘅要求,相反佢係相當認真,不但經常鞭策自己以成為一線模特兒目標而努力,更希望粉絲能夠支持佢,等佢可以早日達成呢個夢想。講到冧粉絲,佢亦相當拿手,除咗經常喺個人微博上為自己加油外,更經常鼓勵粉絲為自己打氣,好似最近嘅網絡直播女神排行榜咁,佢就希望大家可以支持佢登頂。粉絲聞言後便回應表示:「我哋一齊陪住你一步一步咁往上走,我哋唔求好快,只求穩步爬到第一。」冧到阿妹即刻回應:「加油!我哋一齊到達第一。」如此識得同粉絲互動,試問人氣點可能唔高呢?

個人微博

簡介:芷伊年紀輕輕卻擁有超火辣身材,單憑呢個優勢,喺模特兒界紅唔起都難!當然,佢嘅優點唔只得身材同迷人樣貌,仲有嘅係佢樂於花時間同粉絲進行互動,呢點真係相當難得,想同芷伊互動一番,就要成為佢微博粉絲喇!

網址:www.weibo.com/u/2047279001

卓芷伊Profile

出生地:廣州

身 高:170cm

三 圍:37、23、37

撰文:魂