探射燈：瀉藥食得多 損腎功能

藥性有異　宜徵詢醫生

「常見瀉藥有幾種，藥性唔同，效果都有唔同，唔係人人都啱食所有瀉藥。」腎科專科醫生蔡堅表示，現時常見瀉藥分為四類，「膨脹性便秘藥，主要係加快腸蠕動，令條腸脹啲，易啲排便，但藥力就冇咁勁； 刺激性便秘藥會加強刺激腸道蠕動，有時嚴重可能會令肚有劇痛感覺；滲透性便秘藥就加多啲腸道內液體，軟化大便；大便軟化劑就係抽水濕潤大便，容易啲排出。」

蔡提醒市民，不宜自行服用西藥瀉藥，「每個人便秘情況都唔同，藥物副作用反應亦唔同，有人食咗可能會瀉到脫水、肚劇痛等，所以係應該由醫生睇咗後，先決定開咩藥食。」蔡補充，市民不應長期服用瀉藥，否則會減弱腸道功能，導致慣性便秘，嚴重更會影響腎臟功能。