政情：今日你上鏡：D姐去睇樓 鍾情長者屋

房屋協會首個非資助富貴長者屋北角丹拿山「雋悅」，尋日起以現樓形式公開接受六十歲或以上香港居民申請租住，久未露面嘅公務員事務局前局長俞宗怡（D姐）早上亦有到場參觀。大約早上十點半鐘，D姐同兩名女伴一齊到場參觀，大約兩個半小時後，佢先行離開，並無回答記者問題。雋悅設有診所、會所及居家護理支援等服務，住戶全部都係長者，唔知D姐係陪朋友睇樓吖，定係佢自己睇中咗想搬入去長住呢？