男士心目中嘅女神係咪一定係入得廚房兼出得廳堂？梗係唔係啦！仲要加多一樣，就係性格大方。呢種既大方又樣靚身材正嘅女人並唔係喺神話中至會出現，皆因內地模特兒唐雨辰就係最佳人辦，阿妹不但擁有俏臉同玲瓏浮凸身材，工作認真得嚟性格既大方又成熟，難怪成為業界寵兒。
作為網民嘅寵兒呢點唔難明，事關嚟自廣州嘅唐雨辰憑住俏麗嘅外形同埋火辣身材，加埋性感嘅寫真，足以令廣大嘅網民為之心動。至於話佢係商家嘅寵兒又點解呢？原來佢除咗係一位人氣寫真模特兒外，更係一位相當受商家歡迎嘅Model，因為佢形象夠清純外，最吸引係佢嘅氣質夠健康，甚至可以用出塵脫俗嚟形容，縱然佢經常喺寫真中有大膽嘅演出，但卻絲毫無損佢大方又秀麗嘅形象，所以深得商家嘅歡心，而搵佢拍攝平面廣告嘅商品分別有飾物、手袋、化妝品、情侶裝、親子裝，甚至品牌畫冊等。大家有點需要留意，就係佢表明唔會接受情趣內衣嘅工作，足見佢為保自己形象嘅堅持。
另外，喺大學修讀影視表演專業嘅佢演技出色，自佢出道以嚟，參與過唔少網絡劇嘅演出。仲有，練習爵士舞5年嘅佢，更係一位舞林高手，只係時機未到，大家仍未有機會欣賞到佢嘅舞姿。
大方嘅氣質、誘人嘅外形同多方面嘅才能固然係雨辰吸睛嘅地方，不過佢備受攝影師同客戶讚賞嘅並唔止呢幾點，仲有係佢認真嘅工作態度，只要應接咗工作，佢一定唔會臨時甩底，更加唔會遲到，須知道模持兒界中，有唔少人嘅時間觀念唔係咁好，而對分分鐘都係錢嘅商戶嚟講，時間更係代表一切，難怪同雨辰合作過嘅攝影師同工作人員都對阿妹激讚不已。
事實上，雨辰早前喺個人微博中表示：「我好討厭沒有時間觀念，工作總是遲到的人！我很討厭總是覺得別人做的事情很簡單的人！其實每個人都有自己嘅不容易，哪怕做清潔的阿姨她們也很辛苦！」前者固然好明顯睇得出佢對時間觀念嘅執着，後者則可以推敲出，總係有人以為模特兒嘅工作好簡單，只係當中嘅辛酸只有模特兒自己先至可以體會得到。究竟有乜嘢辛酸呢？最簡單嘅問題就係佢哋唔可以有脾氣，縱然遇到唔公平及唔合理嘅待遇時，佢哋為免影響形象同埋工作，惟有硬食兼且唔可以同人呻，而當中嘅壓力同普羅嘅打工仔其實冇乜嘢分別o架！
簡介：出眾嘅外形並唔係唐雨辰成功喺模特兒界冒起嘅理由，更重要係佢對工作認真嘅態度，以及自身嘅紀律性，先至係佢大受歡迎嘅原因。當然，佢仲有唔少長處有待大家發掘，如果想知佢近況嘅話，就要去佢嘅個人微博睇吓喇！
網址：www.weibo.com/xiaziluo2010
出生地：廣東廣州
身高：165cm
三圍：34、25、35
撰文：魂