今屆區議會選舉有唔少新生代政治組織出現，作為傳統泛民主派嘅民主黨主席劉慧卿尋日接受電台訪問時就話，有新面孔梗係好，但政治係講實力，而實力係需要凝聚，如果香港社會繼續「碎片化」、「搞十幾二十檔出嚟」而又合作唔到嘅，就真係唔知邊個最想見到喎。其實唔使講都估到，泛民一盤散沙，建制派就不戰而勝，所以卿姐都話，希望班後生仔可以真係幫香港解決問題，而解決問題係要妥協同落手落腳去做嘅。不過，班年輕人聽唔聽得入耳就唔知喇。
