政情：公民講場：基建又延誤 邱淡化消息

路政署前日深夜突然發出新聞稿，話港珠澳大橋香港段工程完工日期再度滯後，將延遲一年至一七年底落成。選擇在深夜發稿，做法被質疑係想迴避問題，等傳媒來不及跟進及更改版位，企圖淡化事件。署理運輸及房屋局局長邱誠武（邱副）尋日解釋，前日深夜留意到外間對大橋完工期嘅揣測，政府認為需要盡快澄清，以及交代路政署就工程的估算，但佢都講咗聲「唔好意思」，承認時間比較夜。就算深夜發稿解得通，邱副又被質疑前日出席立法會大會時未有主動交代工程延誤，點知佢就賴議員無問佢喎！唔知邱副畀家用係咪要老婆問先至畀呢？