政情：今日你上鏡：徐立之商場「煲粥」好肉緊

香港大學副校長及校委會主席任命風波擾攘沒完沒了，早前有日下午四點幾鐘，我哋就喺中環ifc遇到港大前校長徐立之，以為佢不在其位可以比較輕鬆啦，點知見佢企定定喺超級市場門口傾電話，期間卻一臉愁容，有時講得肉緊仲會用隻手遮住個口，唔知講緊咩秘密呢？徐立之講咗大約十分鐘左右，先至離開商場，但仍然邊講電話邊步行前往小巴站，上咗一輛往寶珊道嘅專線小巴，坐埋一邊單人位後繼續雞啄唔斷，直至臨開車前，坐滿人先至收線。