11月17日及18日可以話係小弟阿賢最開心、最歡樂、最不枉此生嘅大日子，點解？因為有幸可以參與日本成人娛樂界最大型盛事日本成人博覽（JAE）2015囉！博覽主要由各大日本AV廠以及情趣用品品牌參加，會場出演嘅AV女優多不勝數，能夠一次過見到咁多女優，而且佢哋熱情好客，簡直係春情氾濫！如果唔係小弟定力夠又本住專業嘅工作態度，分分鐘迷失於溫柔鄉當中呀！至於JAE入面有咩咁好玩，等小弟即刻為大家報道！
JAE係一年一度嘅日本成人娛樂界盛事，今年就改咗喺一個叫做豐州PIT嘅會場進行，比上屆嘅場館大咗少少，之不過相信幾大個會場都應接不暇，因為小弟驅車去到會場外，就已經見到大條長龍排隊等入場！人龍大大話話都有百幾二百人，當中大部分都係AV迷。不過，唔好以為佢哋係傻氣十足嘅宅男喎，小弟眼見佢哋好多都係打扮得有型有款，唔少仲西裝筆挺，一睇就知好似我咁受過高深成人教育啦！另外，仲有一條龍排隊等住進入由大會主辦單位之一嘅AV集團SOD所擺放喺場外嘅魔鏡一號，呢架魔鏡一號歷來接載過唔少女優同素人男優喺車廂內喪玩車震，可謂淫史馳名於世，梗係多人想入去參觀一下啦！
正當小弟諗住衝入會場喪影之際，就畀我見到近年小弟最欣賞嘅女優，佢就係SOD宣傳部大使亦有兼職拍AV嘅市川雅美喇！雅美好熱情咁向小弟派發贈品禮物袋，連同AV廠Prestige又有禮物一併送上，今鋪真係收穫豐富。咁入面有咩呢？包括潤滑劑、紙巾、輕易型飛機套以及一支「絕對的美少女之聖水」！咩係美少女之聖水？大家唔好諗邪嘢，只係一支樽裝飲用水而已，事實上入到會場就知道呢支聖水有用。
入到會場真係可以用插針都插唔入嚟形容，因為入面實在太多人，除咗有大量入場人士，仲有好多女呀！唔係講笑，真係好多女優，佢哋各自為所屬嘅展覽檔位做宣傳，仲着到火辣誘人，令本身已經充滿人氣嘅會場更為熱力逼人，冇咗支聖水，真係分分鐘出汗出到脫水！然而，對我嚟講，一支聖水都唔能夠補充得到，因為我一行前少少，就見到巨乳女優美泉咲以及小弟一直都好鍾意嘅G奶狐狸精真木今日子！美人當前叫我點忍受得住，梗係上前喪影一番，然後再嚟合照啦！工作人員見到我舉機喪影，不斷向我大叫「打咩！打咩！」即係話唔好影咁解。之不過，當佢哋得知我係傳媒朋友，就即時學識四川知名嘅變臉絕技，笑晒口咁示意我任影！呵呵呵！小弟都未曾試過咁威水！
同真木今日子依依不捨咁分別之後，小弟又見到另一個大波女優，佢就係以低胸小背心加上可愛金髮出場嘅彩音遙菜喇！由於遙菜扮相搶眼又肯倒奶露深溝，吸引到大量入場人士排隊同佢影相。再深入會場，就見到其他AV廠擺嘅檔位，包括有MAXING、Prestige、MAX-A、S1等不能盡錄，每個攤位都有不同女優站台，有啲負責派傳單拉客，有啲則喺攤位內嘅房仔準備招呼客人，同有幫襯買產品嘅入場人士合照同簽名。班女優個個都衣着性感，令場內波光四射，小弟行過其他人身邊都感受到佢哋身上發出嘅高溫以及汗味。除咗波光衝擊視覺，AV廠KMP嘅攤位更加為視覺帶來更強勁嘅衝擊，有AV人妻安琪之稱嘅友田彩也香以及貓目少女川菜美鈴雙雙坐低張大雙腿，仲上下其手，一手放嘴邊，一手放喺三角地帶，條褲仔又鬼咁細條，幾乎露出神秘三角，加上意態淫穢，我頂唔順喇！
兩位女優動作意淫之極，但係只限遠觀，而不可行近「遊玩」，影完相小弟就轉向會場中心，見到檔位位置最大嘅就係SOD！而檔位入面又人頭湧湧，入面人數眾多原因係正舉行攝影會，演出嘅女優係有剛轉會到SOD嘅前AKB48成員逢坂春菜以及古川伊織，兩人魅力非凡，係咁向現場人士送秋波，仲同佢哋猜枚搞氣氛，搞到成班男士如癡如醉。
小弟前前後後見到好多頂級女優，好似熟女天后北条麻妃、近期上圍突然升級並且人氣急升嘅藤本紫媛、由愛可奈、彩美旬果接班人長谷川瑠衣等。去到桃太郎映像嘅檔位，小弟就認唔出有咩女優，因為檔位主打素人，唔識都好正常，不過呢班素人女優就完全唔會偷懶，只要有幫襯就可以抽獎，獎品包括畀素人女優玩顏面騎乘，近距離品嘗女優嘅三角「原味」。而MAX-A同樣賣原味，由專屬女優彩乃奈奈等將T恤着上身，讓香汗滲透到T恤再除畀客人，將原味完整送上。
網址：www.jae.tokyo/jae2015/
撰文、攝影：賢