政情：公民講場：胡兆英臨別暗踩旅監

討論多年嘅旅遊業監管局（旅監局），取代旅遊業議會（旅議會）嘅監管職責仍未有下文，商務及經濟發展局局長蘇錦樑（Greg蘇）早前指會盡快完成有關條例草擬工作，旅遊業議會主席胡兆英尋日出席電視台節目，臨別秋波疑再次維護旅議會暗踩旅監局，佢自言對於不合理團費，旅議會係無權審查旅行社帳目，形容呢個係監管上嘅死角位。至於政府正籌備成立嘅旅監局，胡兆英口講持開放態度，轉頭就質疑旅監局成立後，係咪真係能夠可以大規模清除業界現存嘅問題。胡兆英咁講擺明代表業界踩Greg蘇，暗示對方日趕夜趕盡快成立嘅旅監局係無牙老虎。