一向與中大醫學院打對台嘅港大醫學院，繼月前喺大學聯招放榜中成功搶走多名「尖中尖」學生後，尋日舉行本科入學資訊日時又再出招，推出「毅行醫 路（Second Chance ）」計劃，讓有志從醫但揀錯科嘅學生同畢業生，有第二次機會考讀港大醫學院課程。期間港大更喺資訊日上播出校長馬斐森嘅錄影片段，不點名指有院校嘅醫學院曾考慮設立跳級制，強調只要學生有理想，就唔會介意讀多年喎，擺明向中大醫學院踩多腳。港大醫學院院長梁卓偉真係識得搞宣傳呀！
