政情：今日你上鏡：「智」歎美酒佳餚

美酒佳餚巡禮已經開咗幕，唔少識飲識食嘅市民都入場品嘗美酒，外號「頭箍小姐」嘅財經事務及庫務局前常任秘書長區璟智及丈夫亦齊去趁熱鬧，佢自言唔係好識品酒，入場目的係支持旅遊業喎。佢笑笑口話，以前做過旅遊專員，難得有咁好氣氛嘅盛事，梗要支持啦！佢仲教路話，呢類盛事應該首先吸引多啲本地人參與，旺場後自然會令外地遊客慕名而至，好似巴西嘉年華咁。