探射燈：提高入職門檻改善教學質素

鄭楚光認為應提高教車師傅入職門檻。

抽籤考師傅牌 漠視經驗

「點解可以新牌師傅教新人呢？佢哋點夠經驗教！」香港商用車輛駕駛教師協會主席鄭楚光批評，政府以抽籤方式報考駕駛教師牌照，只會降低教學質素，「我覺得應該合併三組師傅牌，要考晒咁多種車輛資格，具至少五年駕駛經驗，先可執教。」鄭認為政府必須提高教車師傅入職門檻，「當教車師傅齊晒牌，就可以熟悉應付到路面唔同情況，點樣遷就貨車、巴士，自然學生會學得好啲。」

現時本港駕駛教師執照分為三組，分別是第一組別的私家車及輕型貨車；第二組別的私家小巴、公共小巴、私家巴士及公共巴士；第三組別的中型貨車、重型貨車及掛接式車輛。

市民點睇 盧先生（教車師傅） 「多咗好多人學車，師傅未必應付得晒所有學生，所以有好多學生會唔夠鐘。」

黃先生（學車人士）「身邊都有朋友試過學唔夠鐘，而且我覺得好難搵到個好嘅教車師傅。」